ROJ ROJA XİRET Û YÊKÎTÎ YE
Seranserê cihanê rojev tekoşîn dijî şewbêyê Corona ye.
Lê belê girjî û bûyerên, ku li Kurdistana Başurê diqewmin, dibe sedema nîgeraniya mezin.
Li navçeye Zînê Wertê, ku çend roj bere bibû armanca êrîşa firokeyên cengî ya Tirk, di nava Pêşmergeyên Kurdistan û hêzeke çekdar da girjî û alozî derket. Ger herçi zûtir pêşiya girjiya hanê neyê girtin, deskevtên netewî, ku berhema bi sedan hezar şehîd in, wê bikeve bin metirsiyê.
Roj roja diyar kirina aliyê berheq û neheq nine.
Roj roja ji bona pêşî lê girtina mezin bûna alozî û parastina deskevtên netewî, aram û li ser xwe bûn e.
Partiya Sosyalîst a Kurdistan-PSK, bang li partiyên, ku Hikumeta Herêma Kurdistanê pêk anine û hemu hêzên welatparêzên Kurdistana Başur dike, ku;
Bi mesuliyête tevbigerin;
Bona nehiştina girjî û aloziyê;
Bona yêkxistina hêzên Peşmerge û hemu dezgeyên îdarî,
Bona alîkariya Hikumeta Herêma Kurdistanê, daku bernama xwe ya çaksaziyê cî be cî bike, destê xwe bidine hevudu.
PSK pişt rast e û dizane, ku partiyên Kurdistana Başurê yên xudan ezmun, karên usa nakin, ku dostên me xemgîn, neyarên me dilşad bin.
17 Avrîl 2020
PSK-Partiya sosyalîst a Kurdistan