Li Rojava 'Partiyên Yekîtiya Niştimanî ya Kurd' hat ragihandin

25 partî û tevgerên Rojavayê Kurdistanê ji bo yekrêziyê bi navê ‘Partiyên Yekîtiya Niştimanî ya Kurd’ sîwanek ragihandin.

25 partî û tevgerên siyasî yên Kurdî li Rojavayê Kurdistanê ku roja, 18.05.2020, li bajarê Qamişlo civiya bûn, daxuyaniyek belav kirin û bi mebesta yekrêziyê 'Partiyên Yekîtiya Niştimanî ya Kurd' ragihandin. 

Di daxuyaniya 25 ‘Partiyên Yekîtiya Niştimanî ya Kurd’ de hatiye, “ji ber rewşa hestyar a ku Sûriye û herêm bi tevayî tê re derbas dibin, ji ber giringiya hevdîtinên di navbera partiyên siyasî û hêzên kurdî de û ji bo biserxistina destpêşxeriya Fermandarê Giştî yê Hêzên Sûriyeya Demokratîk (HSD)ê, der barê yekrêziya kurdan û yekirina helwesta siyasî ya Kurdî li Rojavayê Kurditanê, partiyên siyasî yên Rêveberiya Xweser a Demokratîk û hin partiyên li derveyî Rêveberiyê di 18.05.2020an de civînek li Qamişloyê lidar xist û ev biryar girtin:

-Li jêr navê "Partiyên Yekîtiya Niştimanî ya Kurd", em ê xebatên hevbeş bimeşînin û pêşveçûnên heyî yên derbarê yekrêziya Kurdî bişopînin ku karê şopandinê jî dê bikeve ser milên nûnertiyeke me ya nûavakirî.

-Me logoyek ji bo Partiyên Yekîtiya Niştimanî ya Kurd bijart.

-Wê bi berdewamî civînên nûnerên van partiyan bên lidarxistin da ku nêrînên cuda yên derbarê pêşveçûn û bûyerên nû, bêne nîşandan û gotûbêjkirin.

Partiyên Yekîtiya Niştimanî ya Kurd ev in:

- Partiya Yekîtiya Demokratîk (PYD)

- Partiya Demoqrat a Kurdî ya Sûrî (P.D.K.S)

- Partiya Aştiya Demoqrat a Kurdistanê

- Kongreya Star

- Partiya Kesk a Kurdistanê

- Partiya Çep a Demokrat a Kurd li Sûriyê

- Partiya Çep a Kurd li Sûriyê

- Partiya Lîberal a Kurdistanê

- Partiya Biratî ya Kurdistanê (PBK)

- Partiya Niştimanî ya Kurdî li Sûriyê

- Partiya Guhertina Demoqrat a Kurdistanê

- Tevgera Nûjen a Kurdistanê-Sûriya

- Partiya Têkoşîna Demokrat

- Partiya Azadî ya Kurdistanî ya Azad

- Partiya Yekîtiya Niştimanî ya Azad-Rojava

- Partiya Komarî ya Kurdistanî-Sûriya

- Tevgera Çaksaziyê-Sûriya

- Partiya Komunîst a Kurdistanê (KKP)

- Partiya Roj a Demokratîk li Sûriyê

- Şepêla Pêşeroj a Kurdistanê

- Partî Demuqratî Kurdistanî-Sûrî

- Yekîtiya Karkerên Kurdistanê (YKK)

- Partiya Kombûna Niştimanî ya Kurdistanî

- Partiya Rêkeftina Demokrat a Kurdî li Sûriyê

- Partiya Demuqrat a Kurd li Sûrî (Partî)

RÛDAW