Heyeta HAK-PARî Amed de PAK zîyaret kerd

Heyeta HAK-PARî ke mîyan de Hetkarê Serekê Pêroyî yê HAK-PARî Birêzî Sedat Çınar û Yeter Polat, Endamê Meclîsa HAK-PARî birêzî Paşa Akdoğan, Ramazan Eren û Muhittin Batmanlı estbî roja 04.01.2020 de Teşkîlatê PAKî yê Amedî zîyaret kerdî.

Hetkarê Serekê Pêroyî yê PAKî Birêz Nurullah Timur û endamê Komîteya Rayverîye ya Merkezî ya PAKî birêzî Hanifi Turan û Vahit Aba şîyî heyeta HAK-PARî vera.

Heyeta HAK-PARî di nê zîyaretê xo de vat, ‘’Seba ke Serekê Pêroyî yê PAKî û heyetê PAKî ê Amedî û Stanbolî HAK-PAR zîyaret kerd, ma zî wazenê bi nê zîyaretê xo PAKî rê sipas bikê. Armanco esasî yê zîyaretê ma îadeyî zîyaret o’.

Nê zîyaretî de heyetê PAKê û HAK-PARî derheqê rewşa pêroyî ya Kurdistanî û Tirkîya de û bîyayîşanê peyênan ser o fikr û rayê xo pêşkêş kerdî.

Pêvînayîşê heyetê PAK û HAK-PARî mîyanê atmosferêkê dostaneyî de vîyart. Heto bîn ra seba sibarojî û averberdişê dîyalogê mabênê her di partîyan pêvînayîşêko hewl bi.

04.01.2020

Buroya Çapemenî û Têkilîye Ya PAKî

Kaynak: Heyeta HAK-PARî Amed de PAK zîyaret kerd

Rûpela nû