Wezîrê Pêşmerge û sekreterê encumena wezîran ji ber pirojeqanûna reforman diçin parlementoyê

Wezîrê Pêşmerge Şoriş Îsmaîl û sekreterê encumena wezîran Amanc Rehîm li ser pirojeqanûna reforman ya hikûmetê bi komîsyona darayî ya parlementoya Kurdistanê re dicivin.

Serokê komîsyona darayî ya parlementoya Kurdistanê, Ziyad Cebar ji BasNewsê re got, emê sibê bicivin û xebatên xwe bo amadekirina raporta xwe li ser pirojeqanûna reforman ya hikûmetê bidomînin.

Ziyad Cebar her wiha got, di civîna me ya sibê de wezîrê pêşmerge Şoriş Îsmaîl û sekreterê encumena wezîran Amanc Rehîm jî beşdar dibin. Ewê bersiva pirsên me yên li ser pirojeqanûnê bidin.

Beriya niha wezîrên navxwe, darayî û şehîdan bi komîsyona darayî ya parlementoyê re li ser heman mijarê civiyabûn. Lê ji ber kongireya YNKê, wezîrê pêşmerge û sekreterê encumena wezîran nekarîbûn bi komîsyonê re bicivin.

BasNews