Kampanya: Bila Anroid zimanê kurdî li zimanên xwe zêde bike

November 23, 2019

Li malpera kampanyaya îmzeyan ya bi navê change.org ji bo zimanê kurdî li zimanên Androidê zêde bibe kampanyayek hatiye dest pê kirin.

Banga kampanyayê:

“Ev ji Googleê û hilberînerên amûrên Anroidî re bangewaziyek e ji bo tevlîkirina kurdiyê wek zimanê pergalê li ser pergala xebitandinê ya Androidê û amûrên Androidî.

“Cihê şermê ye ku di serdema zanyariyê de ku cihêrengî û pirzimanî li derdora cîhanê tê pîrozkirin, zimanekî bêhempa wek kurdiyê ji hêla şirketên teknolojiyê ve tê piştguhkirin. Kurd xwedî civakeke ciwan û geş in ku bi piranî li Rojhilata Navîn niştecih e û herwiha li dîasporayên cîhanê jî berbelav e. Piraniya wan bikarînerên dilxwaz yên teknolojiyê ne û dixwazin zimanê xwe li ser gelek platforman bibînin û bi kar bînin.

“Ji bo vê kampanyaya destpêkê me bala xwe daye ser Kurdiya Bakûrî (Kurmancî) ku em wê bidin tevlîkirin li ser PX (Pergala Xebitandinê) ya Androidê. Di vê rewşê de ji bo ji Kurmanciyê re pêşikî bê dayîn gelek sedem hene:

  • Zimanê sereke yê piraniya gelê kurdîpeyiv e. Tê texmînkirin ku yê zêdetirî nîviyê ye. Li gor guhertoya 22em ya lîsteya axiverên zimanê zikmakî ya Ethnologueê; Kurdiya Bakûrî ji hêla 14.6 milyon mirovan ve wek zimanê zikmakî tê peyivîn. Her ku bi ya me ev texmîneke xesîs e; bi vî awayî kurmancî dibe zimanê zikmakî yê 69em di nav zimanên zikmakî yên herî populer de û yê 31em di zimanên hindî-ewropî de. Wiha bêguman e ku Kurdiya Bakûrî ji hêla gelheyeke mezintirî gelek zimanên wek zimanê pergalê li ser PXa ya Androidê cih girtine tê axavtin, wek; Yewnanî, Qezaxkî, Estonî, Makedonî, Gurcî, Hungarî û yên din.

  • Ligel ziman/zaravayên kurdî yên din, kurmancî xwedî nivîseke latînî ya ku bi berbelavî hatiye pejirandin e. Ev ji destpêka sedsala 20em ve hatibû populerkirin. Ji vê hêlê ji bo sepandinê gelekî hêsantir û kirdarbar e.

  • Ji berê ve di hin platform û xizmetên gelekî populer de cih girtiye, wek: Google Werger, WordPress, Wîkîpediya û Wîkîferheng, LibreOffice û wd. Dîsa bi saya vê kurmancî ji bo bibe zimanekî nû bo Androidê berendamekî gelekî baş e. Çimkî hebûna wê ya di van platforman de tê wek xaleke destpêkê kar bike.

  • Gelek wergêrên kurmanciyê yên pispor û serbixwe yên têra xwe xwedî zanyariya teknîkî hene û ji bo tevkariya projeyeke wiha amade ne.

“Kurd xwedî gelheyeke ciwan in ku dixwaze zimanê wan wek heq cihê xwe li ser platform û xizmetên dijîtal bistîne. Hêvîkirina ku dê kurd bi girseyî derbasî amûrên piştgiriya zimanê wan î zikmakî dike û nirxê wê digre bibin ne şaş e, çimkî baş tê zanîn ku çawa zimanê xwe her bilind digrin. 

“Em hêvîdar in dê aliyên têkildar vê potansiyela hêja bi encam bikin û xizmeta ku ji wan re pêwîst e pêşkeşî neteweya kurd bikin.

“Kurdiya Bakûrî li ser Wîkîpediyayê: Kurmancî

“Lîsteya zimanên zikmakî li gor hejmara peyiverên wan: Zimanên zikmakî

“Kurdiya Bakûrî li ser SIL ISO 639ê: KMR”

Ji bo dîtina kampanyayê bitikîne.

(MB)

Murat Bayram

Mayıs 2016'dan beri bianet Kurdî editörü. Kürt medyasında beş yıl Kurd1 TV, Evro Gazetesi, Waar TV ve Kurdistan24 televizyonunda haber editörü, köşe yazarı ve muhabir olarak çalıştı.

Serbest gazeteci olarak; Diyarbakır’da Middle East Eye, Al Jazeera International, Deutsche Welle, RT TV ve the New York Times için çalıştı. 

Oxford Üniversitesi, Reuters Gazetecilik Çalışmaları Enstitüsü uluslarası gazetecilik yarışmasını kazanarak “fellowship” programı katılımcısı(2019) oldu. Program kapsamında Oxford Üniversitesinde yaz dönemi “dijital gazetecilik” eğitimi aldı.

Belkî îşev binive(Belki bu gece uyur, Avesta Yayınları) öykü kitabının yazarı.

Los Angeles, California Üniversitesi(UCLA)-KAES tarafından "en yaratıcı ve orjinal yazan genç yazar" (2012) Güneydoğu Gazeteciler Cemiyeti tarafından Kürtçe haber ve program dalında "yılın gazetecisi"(2014) ödüllerine layık görüldü.

BİANET

 

Please reload