PAK: Di derbarê hevalê me Vahit Aba de biryara li Amedê ‘hevsa li malê’ hate dayîn

Navenda Nûçeyan- Partîya Azadîya Kurdistanê (PAK) di derbarê endamê Komîteya Birêvebir a Navendî ya PAKê Vahit Aba daxuyanîyek belav kir. Di daxuyanîyê de wiha tê gotin:

Di derbarê hevalê me, endamê Komîteya Birêvebir a Navendî ya PAKê Vahit Aba de biryara ‘hevsa li malê’ hate dayîn.

Polîsên Emnîyeta Dîyarbekirê bi awayekî bêûsûlî roja 11.10.2019an di seet 02.00yê sipêdê de girtibûn ser mala hevalê me Vahit Aba û wî desteser kirîbûn.

Hevalê me bi beşdarîya parêzerê xwe, li Emnîyeta Dîyarbekirêkete ber lêpirsînê.

Sedema desteserkirina hevalê me Vahit Aba, parve kirina daxuyanîya PAKê ya di derbarê êrîşa Dewleta Tirkîyeyê ya li ser Rojavayê Kurdistanê bû.

PAKê di roja 10.10.2019an bi daxuyanîyekê êrîşa Dewleta Tirkîyeyê ya li ser Rojavayê Kurdistanê şermezar kiribû.

Polîs û dozger û mehkemeyê ji ber vê parve kirinê, hevalê me Vahit Aba, bi ‘propaganda kirina sîyaseta PKKyê’ îtham kir. Endamê Komîteya Birêvebir a Navendî ya PAKê hevalê me Vahit Aba, li Emnîyeta Dîyarbakirê jî, li ber dozger jî, li ber Mehkemeya Dîyarbekirê jî, daxuyanîya PAKê parast; lê îthama propaganda kirina PKKyê red kir.

Mehkemeya Dîyarbekirê di encamê de, bi îthama ‘propagandaya PKKyê’’ doz di derbarê hevalê me Vahit Aba de vekir û biryara ‘hefsa li malê’ hate dayîn.

Hevalê me Vahit Aba li Amedê dê li mala xwe wek hefsî be, dê nikaribe derkeve tu derê.

Ev biryar binpê kirina azadîya fikrî ye.

Em vê biryara Mehkemeya Dîyarbekirê şermezar dikin.

12.10.2019

Buroya Çapemenî û Ragihandinê ya PAKê

Kaynak: PAK: Di derbarê hevalê me Vahit Aba de biryara li Amedê ‘hevsa li malê’ hate dayîn

Rûpela nû