Hikûmeta Sûriyê beriya civîna Enqerê daxuyaniyek tund li dijî kurdan belav kir

Hikûmeta Sûriyê beriya civîna sibê ya Serokên Rûsya û Tirkiye û Îranê, daxuyaniyek tund li dijî YPGê belav kir.

Sibê (16 Îlonê) serokê Rûsyayê Vlademîr Pûtîn û serokomarê Îranê Hesen Rûhanî dê li Enqerê bi serokê Tirkiyê Recep Tayyip Erdogan re rûnên û li ser rewşa Sûriyê gotûbêj bikin.

Erdogan û Rûhanî û Pûtîn dê li ser mijarên mîna rewşa Idlibê, rewşa rojhilatê Firatê û hewlên pêkanîna “herêma ewle” û nivîsandina Qanûna Esasî ya Sûriyê gotûbêj bikin.

Balkêş e ku Wezareta Derve ya Sûriyê îro yanê rojekî beriya wê civînê daxuyaniyek tund li dijî hêzên YPG û HSDê belav kir.

Di daxuyaniyê de hatiye gotin ku HSD hêzeka terorîstî ye û dixwaze Sûriyê perçe bike û rewşeka “defakto” pêk bîne, her wiha bûye peyayê Amerîka û Îsraîl û li djiî Sûriyê kar dike!

Wezareta Derve ya Sûriyê daye xuyakirin, ewê pêşiya hewlên perçekirin Sûriyê bigirin û tevahiya xaka Sûriyê jî terorîstan paqij bikin.

BasNews