Serokatiya Herêma Kurdistanê êrîşa Kabolê şermezar kir

Serokatiya Herêma Kurdistanê derbarê êrîşa terorîstî ya li Kabola paytexta Efxanistanê daxuyaniyek belav kir. Di daxuyaniyê da hatiye aşkerekirin ku ew bi tûndî wê êrîşa terorîstî şermezar diki

Ofîsa Serokatiya Herêma Kurdistanê îro yekşemê 18- 08- 2019an derbarê êrîşa terorîstî li daweteka Kabolê daxuyaniyek belav kir. Di daxuyaniyê da wiha hatiye gotin: “ Wê êrîşa xirab a terorîstî bi tûndî şermezar dikin ku duhê li ahengeka hevsergeriyê li Kabola paytexta Efxanistanê kiribû armanc û di encamê da bi dehan kes hatibûn kuştin û bi dehan kes jî birîndar bibûn. Serxweşiyê li malbatên qurbaniyan millet û hikûmeta Efxanistanê dikin û em hevxwemên wan in.”

Di berdewamiya daxuyaniyê jî da hatiye gotin ku karên wisa yên terorîstî erkeke mezin dixe stûyê komelgeha navdewletî di warê hemahengî û zêdetir nehiştina terorê û terorîstan.

Rêxistina terorîstî DAIŞê duhê êvarî êrîşî dawetekê kir li Kabolê û di encamê da 63 kes miribûn û zêdetir ji 180 kes jî birîndar bibûn.

BasNews