Pompêw pîrozbahîyê li Nêçîrvan Barzanî dike

Di peywendîyeka telefonî de Mayîk Pompêw, wezîrê derveyê Emerîkayê pîrozbahî li Nêçîrvan Barzanî serokê hilbijartîyê Herêma Kurdistanê kir bi boneya hilbijartina wî wek serokê Herêma Kurdistanê û hêvîya serkevtinê bo xwazt di erk û karê wî yên nû de.

Her di wê peywendîya telefonî de, Pompêw tekez kir li ser peywendîyên welatê wî û Herêma Kurdistanê û Îraqê di hemû waran de.

Herweha Popmpêw hêvî xwazt peywendîyên Hewlêr û Bexdayê de zêdetir tund û tukme be û arîşeyên di navbera herdû allîyan de bi rê ya danûstandinan û gotûbêjan bihên çareserkirin.

Ji alîyê xwe ve jî, Nêçîrvan Barzanî supasîya wezîrê derveyê Emerîkayê kir bo wê peywendîya telefonî û pîrozbahîkirinê û tekez jî kir li ser bihêzkirina peywendîyên Herêma Kurdistanê û Îraqê di hemû waran de û çareserkirina arîşeyên di navbera Hewlêr û Bexdayê de bi rîya danûstandinan û gotûbêjan.

K24