Hikûmeta herêma Kurdistanê bi boneya 1ê Gulanê peyamek weşand

Hikûmeta herêma Kurdistanê bi boneya 1ê Gulanê cejna Karkerên cîhanê peyamek belav kir.

Li gor malpera fermî ya hikûmeta herêma Kurdistanê peyam waha ye:

Civata Wezîrê Herêma Kurdistanê bi peyamekê Yekê Gulanê li karkerên Kurdistanê pîroz dike û dibêje ku karker katagoriyeka zîndî û berhemdar a civakê ye û karkerên Kurdistanê roleke mezin li ser pirosesa avadankirin û binyatdanana Kurdistanê heye.

Bi minasibeta Yekê Gulanê, roja cîhanî ya karkeran, em gerimtirîn pîrozbahiya li tevaya karkerên Kurdistan û cîhanê dikin. Yekê Gulanê, ji bona bibîranîn û dirêjepêdan bi xebata karkeran ji bona dakokîkirin ji maf û daxwaziyên xwe yên adil, rojeke giring û pirşingdar e. Karker katagoriyeka zîndî û berhemdar yên civakê ne, karkerên Kurdistanê rola bi bandor li ser pirosesa avadankirin, binyatdanan û geşkirina Kurdistanê da heye.

Hikûmeta Hrêma Kurdistanê bi giringî rol û qîmeta vê katagoriya civakî dinêre û ji dil dixwaze hemû maf û daxwaziyên wan bên dabîn kirin, hikûmet bi cidî lêdixebite ku rewşa jiyana karkeran baştir bike û zêdetir derfetên karî, maf û xizmetan jê ra berdest bike û sektora taybet jî teşwîq dike ku bi piştevanî û alîkariya aliyên peywendîdarên hikûmetê, zêdetir maf û daxwaziyên karkeran li berçavan bigirin û li hember pêdawîstî û daxwaziyên wan xwe bi berpirsiyar bizanin, jîngeh û aqarek karî yê minasib û modern jê ra biafirînin.

Em destxweşiyê li Sandîkaya Karkerên Kurdistanê dikin ku dakokî û piştevaniyê li maf û daxaziyên vê katagoriya giringa Kurdistanê dike û em wan paldidin ku zêdetir ji bona bidestxistina mafên karkeran bixebitin û hikûmeta Herêma Kurdistanê jî, weke hertim, ji bona vê armancê piştevan û alîkar dibe.

Bilind û pîroz be Yekê Gulanê, roja cîhanî ya karkeran.

Civata Wezîrên herêma Kurdistanê 01.05.2019

BasNews