Çalakvanê kurd Hakîm Goran canê xwe ji des da

Çalakvan Hakim Goranê ku duh bi şev di weşana zindî ya facebookê de gule berdabû xwe, canê xwe ji dest da.

Çalakvanê kurd Hakim Goran ku berê gotibû ‘Heta Kurdistan serbixwe nebe ji çiyê venagere’ û derketibû çiye, di weşana zindî de rexne li partiyên kurdî kiribû û banga serbixweyetî, yekîtî û çaksasiyê kiribû. Herweha Goran dixwest taviê hikûmetek were avakirin.

Hekîm Goran ê ku duh hewla kuştina xwe dabû û li nexweşxaneyê dihat dermankirin, îro (01.05.2019) li nexweşxaneyeke Akrê jiyana xwe ji dest da.

Hat diyarkirin ku, ji ber ku hinek lebatên Goranî gelek zirar dîtine jiyana xwe ji dest daye.

Hakim Goran beriya dawî li jiyana xwe bîne, di weşana zindî de daxwaz ji rayedaran kiribû, ku yekrêz bin. Herwha afîşek danîbû paşiya xwe û li ser nivîsîbû "Yekrêzî, Çaksazî û Serxwebûn"

KTV