Encûmena Êzidiyan helwesta xwe derbarê rizgarbûyan de radigihîne

Encûmena Bilind a Rohanî ya Êzidiyan ragihand, bi şanazî hemû rizgarbûyên ji destê DAIŞê qebûl dikin û daxwazekê jî ji civaka navdewletî dike.

Encûmena Bilind a Rohanî ya Êzidiyan di daxuyaniyekê de hemû rizgarbûyên ji destê DAIŞê qebûl dike û dibîne ku tiştê bi serê wan de hatiye, li derveyî îradeya wan bû.

Di daxuyaniyê de, Encûmena Bilind a Rohanî ya Êzidiyan da zanîn, piştî şikandina DAIŞê wan şandek ji oldaran şandibû Sûriyê ji bo li revandiyan bigere û wan vegerînin..

Encûmena Rohanî radigihîne jî, Êzidî di dirêjahiya dîrokê de bûne qurbanî û em bi şanazî û mirovî serederiyê bi rizgarbûyan re dikin.

Hevdem jî daxwaz ji civaka navdewletî dike, bi riya bernameyên taybet re hevkariyê bi Êzidiyên ku ji destê DAIŞê rizgar bûne re bikin.

K24

S. B