Hevşaredarên Diyarbekirê dest bi kar kir

Hevşaredarên bajarê mezin ên Diyarbekirê yên HDPê pesendanameya şaredarbûnê ji Komîsyona Hilbijartinê ya Diyarbekirên wergirtin.

Hevşaredarê Diyarbekirê Selçûl Mizrakli bi kombûneke rojnamevanî ragihand, ji bo Şaredariya Bajarê Mezin a Diyarbekirê dadperwerî biser ketiye, lê li bajarokê Rezanê şaredarî ji destê HDPê bi awayekî neyasayî hatiye standin û hiqûq bin ketiye.

Selçûl Mizrakli amaje bi wê yekê kir, divê Lijneya Hilbijartinê ya Bilind ji biryara xwe ya di derbarê bajarokê Rezanê de vegere û şaredariyê radestî HDPê bike.

Hevşaredarê Diyarbekirê Selçûl Mizrakli ji K24ê re got: “Me pesendnameya şaredarbûnê di roja 1ê Nîsanê de ji xelkê xwe wergirt. Di wê rojê de xelkê Diyarbekirê vîyana xwe nîşan da û ev erk dan me. Her çend bidestxistina pesendnameyê dereneg ketibe jî îro pêvajoya fermî dawî dawî hat. Hiqûqê cihê xwe girt û ev girîng e.”

Piştî civîna rojnamevanî Hevşaredara Diyarbekirê Hulya Alokmen ji K24ê re got: “Soza ku me dabû gelê xwe ku emê wan ji qeyûman xilas bikin, me bicih anî. Ji îro û pê ve jî emê dîsa bi gelê xwe re xebata xwe berdewam bikin.”

K24

S. B