Xorasan – Kelepora kurdan weke “mirata Îranê” tê pesendkirin

February 22, 2019

 Konseya Tomarkirina Neteweyî ya Îranê li Têhranê, 10 tişt ji ferheng û dabûnerîta kurdên Xorasanê, wek “Mîrata Manewî ya Îranê” pesend kir.

Ligor zanyariyên BasNewsê roja pênçşemê Konseya Neteweyî ya Îranê li paytextê Îranê li Tehranê civiya û di encama civînê de biryar li ser wê yekê daye ku 10 tişt ji ferheng û dabûnerîta kurdên Xorasanê wek “Mîrata Neteweyî ya Îranê tomar bê tomar kirin.

10 dabûnerît û ferhengên kurdên Xorasanê yên hatine tomarkirin ev in:

  • Miqama Eleh Mezar

  • Miqama Lo

  • Miqama Torq

  • Çarokên kurdî kurmancî yên Xorasanê

  • Bangîyên kurdî kurmancî yên Xorasanê

  • Hunera çêkirina serzînetên mircanî

  • Ceşna desthelalkirinê

  • Ceşna axirçarşemîyê

  • Gavjimêra nerîtî ya kurdên Xorasanê

  • Mamosta Elî Ekberê Biharê wek yêk ji hilgirên mîrata menewî ya Îranê

Hêjayî bibîrxistinêyê Komara Îslamî ya Îranê di sala 2018an de jî 7 ferheng û dabûnerîtên kurdên Xorasanê liser Mîrata Neteweyî ya Îranê tomar kiribû.

Di sala 2018an de ev ev ferheng û kelepûra kurdên Xorasanê jî weke “Mîrata Neteweyî ya” Îranê hatibûn tomarkirin:

  • Rola helbestên Ce’ferqulî Zengilî di forklora kurdên Xorasanê de

  • Muzika aşiqên kurdên Xorasanê

  • Lîstika kurdî ya Xorasanê

  • Hunera dêrîn a cilûbergên jinên Layînê

  • Hunera Guldûzî ya Layînê

  • Hunera hûnandina cacima Layînê

  • Lîstika şiv û duq (Layîn)

 Zêdetir ji 1 mîlyon kurdên kurmancîaxêv li du eyaletên Xorasana Bakurî û Xorasana Rezewî ya Îranê dijîn. Bajarên kurdan ên li Xorasanê Meşhed, Qoçan, Şîrvan, Bojnurd, Radkan, Raz, Çinaran, Deregez, Faroj, Bacgîran, Kelat, Layîn, Serwîlayet, Esferayîn, Cowîn, Aşxane, Similxan in.   

 

basnews

 

 

 

Please reload