ENKSê kuştina kalê Kurd Elî Qilindir li Efrînê şermezar kir

Encûmena Niştimaniya Kurd li Sûriyê(ENKS) kuştina kalê kurd, Elî Qilindir li ser destên çekdarekî Artêşa Azad li gundewarê Efrênl yê Rojavayê Kurdistanê, şermezar kir û daxwaz ji karbidestên peywendîdar ên Tirkiyê kir ku tawankar were girtin û sizakirin.

Ofîsa ragihandinê ya ENKSê di daxuyaniyekê de kuştina kalê heştî salî, Elî Qilindir şermezar kir û ji dagîrkeriya Tirkiyê xwest ku bi pêbendiyên xwe li gor zagonên navdewletî li hember kuştina Qilindir û li hember mafên şêniyên deverê yên resen, bêden nemînin.

Herweha ENKSê got: Tevî ku salek bi ser kontirolkirina hêzên Tirkiyê li ser devera Efrînê re derbas bûye, lê zincîra binpêkirinan li dijî welatiyên kurd, bi awayekî rojane berdewam dikin û bê ku ti kes were sizakirin yan jî werin rawestandin.

Tê bibîrxistin ku Elî Qilindir, di 10.2.2109am de, ji aliyê çekdarên bi navê Imaîl Hec Ehmed ku endamê girûpa Cebhe El-şamiyê ye, bi guleyan hate armanckirin, di dema ku wî li derdora gundê Qenterê pez diçêrand û li gor hatiye ragihandin ku sedema wê yekê ew bû wî çekdarê dest danîbû ser hespê kalê heştêsalî, lê ewî bi giliyan li nik Tirkan karîbû hespê xwe vegerîne û bûyera kuştina wî jî weke tolhildanekê hatiye kirin.

BasNews