Nêçîrvan Barzanî: Rola berçav a Mîr Tehsîn Beg di tevgera kurdayetiyê de hebû

Îro danê sibê Mîrê Êzîdiyên Kurdistan û Cîhanê Mîr Tehsîn Beg li Almanya koça dawiyê kir. Serokwezîrê Herêma Kurdistanê Nêçîrvan Barzanî bi boneya koça dawiyê ya Mîrê Êzîdiyan Mîr Tehsîn Beg peyameka serxweşiyê belav kir.

Serokwezîrê Herêma Kurdistanê Nêçîrvan Barzanî bi peyamekê serxweşî li malbat û kesûkarên wî û civata ruhanî û hemû xwişk û birayên Êzidî û gelê Kurdistanê bi giştî kir û hevsozî û hevxemiya xwe ji malbata wî û tevahiya Êzidiyan re derbirî.

Nêçîrvan Barzanî di peyama xwe de got: “Mîr Tehsîn Beg ku bêhtir ji heftî salên bihorî mîratiya Êzidyan li Kurdistanê û cîhanê kir, tevî ku di nava Êzidiyan de xwedî pêgeh e û roleke wî ya xuya ya civakî û olî hebû, herhisa di tevgera kurdayetiyê de û bi taybet jî di şoreşa Îlonê de xwedî rol û beşdariyeke berçav hebû.

Peyama Serokwezîrê Herêma Kurdistanê Nêçîrvan Barzanî wiha ye:

Bi boneya koça dawî ya xwedê jê razî Mîr Tehsîn Beg, Mîrê Êziyan, ez sersaxiyê ji malbat û kesûkarên wî û civata ruhanî û hemû xwişk û birayên me yên Êzidî û gelê Kurdistanê bi giştî dikim. Em hevsoz û hevxemên malbata wî û tevahiya Êzidiyan in.

Mîr Tehsîn Beg ku bêhtirî ji heftî salên bihorî mîratiya Êzidyan li Kurdistanê û cîhanê kir, tevî ku di nava Êzidiyan de xwedî pêgeh e û roleke wî ya xuya ya civakî û olî bû, herwiha di tevgera kurdayetiyê de û bi taybet jî di şoreşa Îlonê de xwedî rol û beşdariyeke berçav bû, piştî şoreşê jî ji ber helwestên xwe awareyê welatan bû.

Mîr Tehsîn Beg berdewam ligel civaka Kurdistanê û Iraqê û ya deverê jî di pêwnediyê de bûye û rêz û pêgeha wî ya civakî ne tenê di nava Êzidiyan de, belkû di nava civaka Kurdistanê û ya Iraqê de jî diyar û berçav bû û xwedan tevneke berfireh a pêwendiyan bû. Berdewam hewl daye ku rihê pêkvejiyanê û hevqebûlkirinê di nava pêkhateyên Kurdistanê û Iraqê de xurtir û kûrtir bike.

Bîrhatina wî bi xêrê be û xwedayê mezin wî bi dilovaniya xwe şad bike.

K24

S. B