Nêçîrvan Barzanî ji bo malbata Çemçemalê xembar e

December 17, 2018

Li bajarokê Çemçemalê duhî agir bi malekê ket û di encamê de 3 zarokên wê malbatê canê xwe jidest dan û diya wan jî bi giranî şewitî, bo vê yekê jî Serokwezîrê Herêma Kurdistanê hevxemiya xwe bi vê malbatê re derbirî.

Serokwezîrê Herêma Kurdistanê Nêçîrvan Barzanî li pêgeha xwe ya tora civakî “Twitter” nivîsî: “Karesata pêketina agir bi maleke Çemçemalê ku tê de sê zarokan canê xwe jidest dan û diya wan bi giranî birîndar bû, ez ji dil ve hejandim.”

Nêçîrvan Barzanî got jî: “Hevbeş û hevxemê wê malbatê me. Çi pêwîst be, hevkar dibin. Daxwaza hajîbûnê û xweparastina baştir ji welatiyan dikim.”

Zarokên duhî di bûyera agir de canê xwe jidest dane, temenê yekî yek salî ye, yê duyem jî du salî ye û yê mezin jî pênc salî ye û diya wan jî bi rêjeya ji sedî 80 gewdê wê şewitiye û jiyana wê di metirsiyê de ye.

k24

 

Please reload