Bi beşdariya Serok Barzanî Kongreya Yekîtiya Jinên Kurdistanê birêve çû

Li Hewlêra paytexta Herêma Kurdistanê îro bi serpereştiya Serok Mesûd Barzanî 8. kongreya Yekîtiya Jinên Kurdistanê li dar ket.

Yekîtiya Jinên Kurdistanê sala 1952an li ser daxwaza Rêberê Tevgera Rizgarîxwaz a Gelê Kurd Mela Mistefa Barzanî hat damezrandin.

Serok Mesûd Barzanî di kongreyê de amade bû û destpêkê jî beşdarî pêşangeheke taybet bi dîroka xebata Yekîtiya Jinên Kurdistanê di qonaxên cuda û karên bi destên jinan hatine çêkirin, bû.

Di kevana kongreyê de, pêşangeheke teblo, wêne û posteran jî hatibû vekirin, ku li ser jinan û rola wan di civakê û xebata rizgarîxwaza gelê Kurdistanê de bû.

Herwiha pêşangeheke kar û hunerên destî yên jinan jî hatibû vekirin.

Yekîtiya Jinên Kurdistanê di sala 1952an de hatiye damrzrandin, û yekemîn kongreya xwe bi awayekê nihênî di sala 1963an de lidar xistiye.

Heta niha Yekîtiya Jinên Kurdistanê 7 kongre saz kirine û îro heştemîn kongreya wê yekîtiyê li Hewlêrê birêve diçe.

KDP İnfo