PDK-T derbarê dagirkirina Kerkukê daxuyaniyek belav kir

Partiya Demokrata Kurdistan a Tirkiyeyê PDK-T'ê li Diyarbekir bi daxuyaniyeke çapemeniyê êrîşên li ser Kurdistanê şermezar kir û bang li hemu kurdan hate kirin ku di vê qonaxa hesteyar de bi yekîtiyeke neteweyî helwesteke xurt nîşan bidin.

Bertekên tund ên li hember dagirkirina Kerkukê berdewam in. Partiya Demokrata Kurdistan a Tirkiyeyê PDK-Tê jî di derbarê dagirkirina Kerkukê ya bi hêz û polîtîkayên Îranê, bi daxuyaniyeke çapemeniyê şermezar kir. Di daxuyaniyê de banga xurtkirina yekîtiya neteweyî hate kirin ku êrîşên li ser Kurdistanê bi bersiv û helwestên neteweyî werin têkbirin.

Di daxuyaniyê de li hember zimanê siyasetmedarên ku di derbarê Serokê Kurdistanê Mesûd Barzanî de bêrêzî nîşan didin, bertek hate nîşandan û hate amajekirin ku ew gotinên bêedep li wan kesan vedigerînin.