Kerkûkî: DAIŞ li Kerkûkê hat şikestin û şeperze bû

Kerkûk-KDP.info- Berpirsê Eniya Rojavayê Kerkûkê Dr. Kemal Kerkûkî dibêje, DAIŞnikare li Kerkûkê bigihê armanca xwe, ji ber ku xelkê bajêr li dijî terorîstan e,

herwiha Hêzên asayişê û Pêşmerge di amadebaşiyê de ne û nahêlin ew terorîst

bajar dagîr bikin.

Dr. Kemal Kerkûkî Berpirsê Eniya Rojavayê Kerkûkê ji malpera KDP.info re

ragihand: “Duhî danê êvarî terorîstên DAIŞê êrişê Hêzên Pêşmerge kirin lê em zû li

wan hatin hev û me bi tundî li wan dan. Me cihê wan dan balafirên şer ên

hevpeymaniya navdewletî û wan balafiran jî bi tundî li wan dan û 6 otomobîlên

wan ên bombekirî jinav birin û 2 doşke û komek çekên din jî jinav çûn û zêdetirî 30

çekdarên wan jî hatin kuştin û hatin şikestin û jinavbirin.”

Kerkûkî wiha got: “Terorîstên DAIŞê nikarin bigihên armanca xwe û nikarin rewşa

bajarê Kerkûkê têk bibin û herwiha nikarin bajar dagîr bikin. DAIŞ nikare li Kerkûkê

bigihê armanca xwe, ji ber ku xelkê bajêr li dijî terorîstan e, herwiha Hêzên asayişê

û Pêşmerge di amadebaşiyê de ne û nahêlin ew terorîst bajar dagîr bikin.”