Li Bexdayê civîna şandeya Kurdistan û Amerîkayê

Nêçîrvan Barzanî serokwezîrê Herêma Kurdistanê û şandeya pê re, di berdewamiya serdanan xwe ya bo Bexdayê de, roja duşemê 29.08.2016ê li Bexdayê serdana balyozxaneya Amerîkayê kir û ji aliyê Stuaart Jones balyozê Amerîkayê li Îraqê hat pêşwazî kirin.

Balyozê Amerîkayê ku, wezîfeya wî li Bexdayl bi dawî hatiye, li hember hevdîtina bi serokwezîrê Herêma Kurdistanê re kêfxweşiya xwe diyar kir û sipasiya wê piştgirî û hevkariya Herêma Kurdistanê pê re kirî dema ku ew balyozê Amerîkayê li Îraqê bû kir û tekîd li ser zêdetir xurtkirina têkeliyên Kurdistan û Amerîkayê kir.

Nêçîrvan Barzanî sipasiya balyozê Amerîkayê kir ji bona wan hewlên berdewamên ji bona zêdetir xurtkirina têkeliyên navbera Herêma Kurdistanê û Amerîkayê û hêvî xwest di karê xwe yê nû de serketî be.

Barzanî behsa civîn û dîdarên di navbera şandeya Herêma Kurdistanê û berpirsên hikûmeta Îraqa federal de li ser pirsên cuda hatîne encam dan kir û tekîd li ser wê yekê kir ku, hikûmeta Herêma Kurdistanê madeye hemû pirsan digel Bexdayê hevkar be û hemû pirsan bi awayekî çareser bikin ku di berjewendiya her du aliyan de be.

Rewşa emnî û siyasî li Îraq û Herêma Kurdistanê û pêşhatên dawiyê yên cenga dijî terorîstên DAÎŞê û çend pirsên din hin mijarên din yên civînê bûn.

Hikûmeta Herêma Kurdistanê