Search
  • www.bircabelek.com

Li Kampa Waşokaniyê tedbîrên xweparastinê nayên bicîkirin


Li Kampa Waşokanî ya Koçberên Serêkaniyê Hezar û 628 malbat di 1700 konî de dimînin û weku pêwîst tedbîrên parastina ji vîrusa koronayê nayên bicîkirin. Koçber gazinên xwe dikin û dibêjin ne mask, ne lepik û ne jî dermanên paqijkirinê bidest dikevin.

Bo paratina saxlemiya koçberan li Kampa Waşkaniyê ya li Hesekê Rêveberiya Xweser biryara qedexeya çûn û hatinê li wir derxistiye.

Koçbereke Kampa Waşokaniyê dibêje ku ne dermanê paqijiyê û ne sabûn heye ku ew di asta pêwîst de paqijiya xwe bikin.

Koçber Emşa Xidir Seîd dibêje: “Em ji bo zarokên xwe ditirsin, me temenê xwe biriye. Kelûpelên paqijiyê nînin, tiştên ku em xwe û zarokên xwe pê biparêzin nîne. Ne lepik û ne jî maske nedane me.”

Di kampê de, 10 hezar û 192 kes dijîn û ji alîkariyên rêxistinên navdewletî bê par in, Rêxistina Tendirustiya Cîhanî jç ti alîkariyekê pêşkeş nake.

Rêvebera kampê dibêje wek li tevihiya Rojavayê Kurdistanê heya niha ti haletên korona nehatine tomar kirin.

Rêvebera Kampa Waşokaniyê Sitêra Reşik dibêje: “Me li ber deriyê kampê konek ji bo girtina pileya germayê daniye û konek ji bo veqetandinê li cem Heyva Sor me daniye, heya niha jî ti halet nehatiye tomarkirin.”

Di odeya bendemayîna nexweşan li navenda tendirustiya kampê , kursiyên kesên nexweş ji hev hatine dûrxistin li gorî sîstema yek mitreyî ya parastinê ji veguhestina koronayê. Herçend e Heyva Sor a Kurdî erkê saxlemiya kampê li stuyî xwe girtiye, lê hişyariyê derbarê rûdana karîsetekê dide, eger hat û ev vîrus gihîşt deverê

RÛDAW

1 view