• www.bircabelek.com

Hikûmeta Kurdistanê: Em êrîşa ser Koyê şermezar dikin..Nayê qebûlkirin


Hikûmeta Herêma Kurdistanê bi daxuyaniyekê êrîşa Îranê ya li dijî baregahên partiyên Rojhilatê Kurdistanê şermezar kir.

Hikûmeta Herêma Kurdistanê li ser êrîşa li hember baregahên partiyên Rojhilat daxuyaniyeke nivîskî belav kir û ragihand: “Îro beriya nîvro 08/09/2018 baregahên Partiya Demokrata Kurdistanê (HDK) û Partiya Demokrata Kurdistana Îranê (PDK-Î) yên li navçeya Koyê ji aliyê Komara Îslamî ya Îranê ve hatine bombebarankirin, ku di encamê de çend kesan canê xwe ji dest daye û hejmareke din jî birîndar bûne.”

Di daxuyaniyê de tê gotin: “Bi tevî şermezarkirina vê bombebaranê, dubare nerazîbûna xwe li hember bikaranîna xaka Herêma Kurdistanê ji bo êrîşkirina ser welatên cîran tînin ziman, ku bi ti awayî nayê qebûlkirin û dibe sedema têkbirina aramî û seqamgiriya Herêma Kurdistanê. Lewma em daxwaz dikin dubare nebe, rêz li yasayên Herêma Kurdistanê were girtin û herêm nebe qada yekalîkirina pozberî û milmilaneyan.”

Hikûmeta Herêma Kurdistanê di dawiya peyama xwe de ji malbatên qurbaniyan re sersaxî xwest û hêviya zû başbûna birîndaran anî ziman û ragihand: “Hikûmeta Herêma Kurdistanê dê erkê xwe yê ji bo hevkarîkirina lêqewmiyan cîbicî bike û me tîmeke hawarçûnê raspartiye bi hemû şiyanên xwe ve bigihin alîkariya ziyanpêkeftiyan û xelkê sivîl ê navçeyê.”

KDP İnfo


0 views